PUISI : AKU URANG BANJAR
Oleh: Andin Salleh
Aspati Multimedia

Wayah aku aanuman
aku kada tahu
kanapa kakadang
aku merasa supan
mengaku urang Banjar.

Amun aku tulak ka pakan
aku musti basurah Malayu
supaya urang kada tahu
aku urang Banjar.

Mungkin wayahitu
Banjar kada ditiring urang
karna Banjar urang pendatang
kabisaan pun hanya bagawi di bandang.

Wayahini aku kada supan lagi
mengaku aku urang Banjar
karna aku sadar
nilai manusia nang hakiki
bukan pada bangsa dan gawian
tapi pada keimanan dan ketakwaan.

Aku bangga jadi urang Banjar
karna Banjar identik awan Islam
dan banyak melahirkan ulama basar.